يا سلاااااااااام .. واخيرا وصلنا للوضع الى كلنا كنا خايفين منه
الجيش بيرفع سلاحه على الشعب .. والشعب بيشتبك ويتحرش بالجيش
مين السبب ؟؟ ميهمنيش مين السبب .. الوضع اعجب من العجب
لما نوصل للمرحله دى فى الوقت دا وكل واحد تاخده العزة بالاثم وانه هو بس
الى على صواب والباقى على خطأ فى الوقت الى المفروض بنستعد اننا على بعد
خطوات من دولة جديدة بجد
محدش يقولى دا غلطان ولا دا على حق كلنا غلطانين
لما كل واحد يركب دماغه ومنحاولش نقدم حلول ترضى جميع الاطراف ونقدم تنازلات ونقرب لبعض يبقى كلنا غلطانين
لما نستكتر على مصر انها ترتاح يومين فى عمرها وكل يوم ارضها ترتوى بدم الشباب وكل يوم دمعها على خدها يبقى كلنا غلطانين
لما نبقى بنستنى مجلس شعب وانتخابات رئاسيه على بعد خطوات واى كانت
النتيجه ومين الى هيحكم ومين الى هيمسك ونقوم نتخانق مع بعضنا يبقى كلنا
غلطانين
لما يبقى الشارع مولع وتلاقى المرشحين كل همهم جمع الاصوات والناخبين ومحدش ينزل يحاول يوقف المهزلة دى يبقى فى حاجه غلط
لما يكون الاصابات بالجمله والاعلام مستضيف شيخ وقسيس على قناة فضائية
وبيدير الحوار فى اتجاه اشعال الموقف بين طرفى الامة يبقى لازم نفوق
مين السبب ؟؟ حد عارف السبب ؟؟ الوضع يدعو للعجب
مصر بتضيع ؟ ولا لسه فى امل
الفلول جوه وبره طره ؟؟ ولا هما الى على منابر الاعلام الفضائية ؟؟
على فين يا مصر ؟؟ ربنا يحميكى ويسترها عليكى
كتير هيعترض على كلامى .. وكتير ممكن يشتمنى
بس انا كمان مصرى وحزين على وضع بلدى .. حزين على صورة مكنتش اتمنى ولا احب اشوفها فى شوارع مصر
رحم الله شهداء مصر الابرار .. وعاشت مصر حرة
الأربعاء أغسطس 09, 2017 5:35 pm من طرف 
