دى حاجة تعصب والله

حاجة تعصب

...مالك متعصبة ليه؟؟

الرجالة يا ستى

مالهم مكبرين دماغهم على الآخر

ليه بس؟؟

طيب أسمعى وبنفسك أحكمى

✿✿✿✿✿✿✿✿✿

تلاقى الراجل من دول طول بعرض أد الدنيا وتلاقيه ماشى مع مراته على البلاج
وآل ايه ملبسها مايو

طب ده ينفع؟؟
لا يا أختى وهو ده يعجب حد

ولو قولتى له ايه رأيك مراتك تخرج كده فى الشارع
يرد ويقول لك

أنت بتقولى أيه أنا دمى حامى

أيه الفرق بس يا ناس بين الشارع والبلاج

ها ..قولى قولى

✿✿✿✿✿✿✿✿✿

تلاقى الراجل من دول الشنب فى وشة أد كده وطلع مراته فى الفرح
آل أيه بيرقصها

طب ده ينفع؟؟
لا يا أختى وهو ده يعجب حد

ولو قولتى له أيه رأيك مراتك تروح الديسكو مع أصحابها
يرد ويقول لك

دى كانت تبقى ليلتها سودة

طب ده ينفع؟؟
لا يا أختى وهو د ه يعجب حد

ايه الفرق بس يا ناس بين الفرح والديسكو ما كله رقص

ها.. قولى قولى

✿✿✿✿✿✿✿✿✿

تلاقى العريس من دول ملو هدومو وواخد عروسته للكوافير يمسك لها شعرها آل ايه؟؟ بيعملها شنيون

طب ده ينفع؟؟
لا يا أختى وهو ده يعجب حد

ولو قولتى له هتعمل ايه لو واحد مسك أيد عروستك
يرد ويقول
ده أنا كنت بيتو فى المستشفى

ايه الفرق بس يا ناس يمسك أيدها ولا يمسك شعرها مش الاتنين فى عروستة

ها قولى قولى

✿✿✿✿✿✿✿✿✿

تلاقى الاب من دول مربى فاضل ويجيى فى خطوبة بنته ويقول للعريس
آل ايه بوس عروستك

طب ده ينفع؟؟
لا يا أختى وهو ده يعجب حد

ولو قولتى له تعمل ايه لو أبن عمها بسها؟؟ا
يرد ويقول أحنا ما عندناش الكلام ده هو انت فكرانى خواجة

ايه الفرق بس يا ناس من ابن عمها ولا خطيبها وهو كان يعنى جوزها؟؟

ها.. قولى قولى

✿✿✿✿✿✿✿✿✿

تلاقى الراجل من دول ماشى مع مراته فى الشارع بس تلمح مغنى آل ايه عايزة معاه تتصور

طب ده ينفع؟؟
لا يا أختى وهو ده يعجب حد

ولو قولتى له تعمل ايه لو لاقيت مع مراتك صور خطوبتها القديمة يرد ويقول لك
دى بقا فاكرانى مغفل

طب ده ينفع؟؟
لا يا أختى وهو د يعجب حد

ايه الفرق بس يا ناس خطيبها القديم من المغنى مش كلهم رجالة

✿✿✿✿✿✿✿✿✿

هى الرجالة دى ما سمعتش عن حديث بيقول

عن عبد الله بن عمر أن رسول الله صلى الله عليه على آله وسلم قال : ثلاثةٌ قد حَرّمَ اللهُ - تَبَارَكَ وَتَعَالَى - عليهم الجنةَ : مُدْمِنُ الخمر ، والعاقّ ، والدّيّوثُ الذي يُقِرُّ في أَهْلِهِ الخُبْثَ . رواه أحمد والنسائي

✿✿✿✿✿✿✿✿✿

وأنتم ..عاجبكم الى بيحصل ده؟؟

منقول

» أسف والله أسف.....
» والله اولاد اخر زمن
» ابكتني حاجة اهل القبورلنا
» هو انتوا لسة شفتوا حاجة؟!
» الصعايدة جاهزين .. حد ليه شوق في حاجة؟