عصاني زماني

عصاني زمانٍٍ كنت احسبه مطيعٍ بار
غفلت وتغافلني وروح ولانوُه

ياكم خابت الهقوه بربعي بدون انذار
وياكم صار جدر القلب بالجرح متشوُه

وياكم من رفيقٍ قمت به قومة الجبار
علشان قول ونعم وقفت بالقوه

واثرني نفخت الطيب في حلة الغدار
وحطيت معروفي بمن لاعرف خوه

وياكم من ردي(ن)كان مايملك الدينار
ولايملك الشيمه ولايملك مروٌه

وهالحين يدعى شيخ دامه من التجار
وغدى بين خلق الله نشمي ومتفوٌه

وياكم من سنافي دوم فقري من الفقار
وذكره يشاع من الاجانيب في جوهُ

وياكم من صديقٍ لالفيته وانا محتار
يجي لازمي من قبل اسولف من الفوُه

وياكم من قريبٍ لالفيته وانا منهار
يشح بلوازيمي لو انه ايا شوٌه

ابنصح لبيب العقل ومكرم الخطار
من الشاعر اللي كن قلبه على دوُه

ترا السر مهما صار يبقى من الاسرار
تحذر تحط السر مقري ومتفوُه

ورفيقك تحمله ثلاثٍ ماهي بصغار
واذا ربع الغلطه لاتدفى على ضوه

هذي نشرة الاخبار يامدور الاخبار
ومنهو تناساني ياجعله على القوه

سلمت الايادى يا هنانى على الهمسات الرائعة