دى نصائح نقلتها لكم من انسانة متزوجة يااااااارب تفيدكم
حبايبي الآنسات المخطوبات ..ياااااااااااااه وحشتني كلمة مخطوبة
آخر مرة سمعتها أو قولتها كانت من أربع شهور
كانت ايام جميلة وأوقات بيعكر جمالها وصوفها مشكلات في وقتها
كانت بالنسبالي تعيسة لكن دلوقتي اكتشفت انها كانت بسيطة
وبسيطة أوي
اهي ايام عدت بحلوها ومرها ومبقاش منها دلوقتي غير الذكرى ..
ندخل بقى في الكلمتين اللي عايزة اقولهالك يا حبيبتي المخطوبة
أولا : السعـــــــــــــــــــادة
أوقات الخطوبة
كنت بتخيل لحظات جميلة ..بحلم أنا وحبيبي مع بعض في مكان واحد
.. جنب بعض .. في حضن بعض
بنحب بعض أوي .. حياتها هادية وجميلة ..
كنت بحس وقتها ياااااااااااااااااااه دي هتكون أسعد لحظات حياتي ..
بعد الجواز
لاقيت أحلامي بتحقق ..وتخيلاتي بقت واقع ..واقع جميل
لكن المفاجأة الكبيرة
إني ممكن أكون وقتها مش سعيدة!!
ممكن أكون وقتها مخنوووقة جدااااااااا
الحاجة اللي عرفتها اوي هي
ان السعادة دي بإيد ربنا وحدة سبحان وتعالى ..
مش بايد حبيبي ولا بوجوده جمبي وبس
لااااااااا ربنا وحده هو اللي بيسعد قلبي
ويرزقني أنا وحبيبي سوا الحب والسعادة ...
علشان كدا من أول يوم في خطوبتك أو من دلوقتي لحد آخر يوم في
عمرك
كل يوم تدعي ربنا يرزقك انت وحبيبك السعادة والحب ويألف بين
قلوبكم ويبعد عكم الحسد وعيون الناس..
وعليك بالأذكار وتلاوة القرآن وخصوصا سورة البقرة .
ثانيا : ايـه اللي بيبقى من الجواز ؟؟
وقت الخطوبة :
كنت مهتمة أوي اوي بالفرح وعايزاه يكون أجمل فرح طبعا
..والفستان والطرحة والكوافير..
البيت والعفش والستاير والسجاد .. كنت بقف على حاجات كتير
صغيرة علشان كنت عايزة كل حاجة تبقى عجباني ومبسوطة بيها
كل الحاجات دي من حقك طبعا تهتمي بيها ..
لكن لازم تعرفي ايه هو المهم اللى اكتشفته بعد الجواز
بعد الجواز :
الفرح والفستان والكوافير وكله بيعدي ..
والصور بتطلع جميلة ..
ومحدش بيطلع وحش في الصور..
وبتبقى هي الذكرى
البيت بكل اللي فيه آه بيكون ليه فرحة في الأول ..
لكن بعد فترة خلاااااااص مفيش ضيوف هتجيلك كتير
بتألفي شكل الحاجات أوي ..بتكون عادية بالنسبة ليك مهما كانت
جميلة ..
وكله بيجي عليه تراب وبيتنضف وفي الآخر بيعفى عليه الزمن
المهم بس اللي بيبقى ليكى :
هو الشخص اللي انتى عايشة معاه
والله والله مافي أي حاجة بتقى من الجواز غير حبيبك اللي هتعيشي
معاه
هو اللي ممكن يخلي حياتك جنة ويخليك فرحانة وتلاقي كل احلامك
بتتحقق
أو لا يقلبها نكد او حزن او جحيم والغياذ بالله ..
إنتى ممكن تكوني عايشة في أجمل بيت وعملتي وجبتي كل حاجة
كنت بتحلمي بيها
لكن الشخص اللي انت عايشة معاه مش مخليكى تحسي انك ملكة
في بيتك
ممكن تحسي انك مصدومة- مكسورة - حزينة - ندمانة
ممكن لاقدر الله يكرهك في عيشتك
الشخص اللي هتعيشي معاه بعد الجواز :
هي أهم حاجة المفروض تهتمي بيها في الخطوبة..
تهتمي بيها انك تختاريها بعناية جدااااااا
تختاريها على أساس الدين والأخلاق ..
تحاولي تكتشفي خطيبك كويس جدا ..
وقبل ما تقدمي على خطوة الجواز
سلوكة وأخلاقة وتعاملاته والتزامة بشرع ربنا أولا وأخيرا ..
لان الحاجات دي أساس سعادتكم في الدنيا والآخرة ان شاء الله
ثالثا وأخيرا :
الحاجة الجميلة اللي اكتشفتها بعد الجواز :
لااااااااااااااااااااااا الجواز مش دلع ..
الجواز مسئولية كبيرة ومش سهلة :
لازم حبيبتي تكوني فاهمة ان حسن تبعل المرأة لزوجها هو طريقها
للجنة ..
وهو الجهاد بتاعها في الدنيا
الواحدة لما تكون عايزة تيجي يوم القيامة وميزان حسانتها في ثواب
كبير أوي من جهادها في الدنيا مع زوجها وحسن تربيتها لأبناءها
علشان ربنا يكرمها بالذربة الصالحة
اللي بإذن الله تكون سبب في دخولها الجنة
الأربعاء أغسطس 09, 2017 5:35 pm من طرف 
