يحيي
عضو جديد
الجنس : 
عدد المساهمات : 21
تاريخ التسجيل : 11/11/2011
العمر : 43
 | موضوع: إستووا ....  السبت نوفمبر 12, 2011 5:27 pm | |
| إستووا.. إعتدلوا.. إستقيموا يرحمكم الله
الله أكبر
الله أكبر.. أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه
الله أكبر
أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل
سمع الله لمن حمده
ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان
الله أكبر
هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي، أستغفر الله
الله اكبر
أهوه أنا مركز أهوه، إنظر لمكان السجود وركز في الأيات اللي بيقولها الإمام
الله أكبر
الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني
الله أكبر
هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر
أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم
الله أكبر
السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش
الله أكبر
الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله
الله أكبر
فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل
.
.
.
.
الله أكبر
الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك
السلام عليكم ورحمة الله
السلام عليكم ورحمة الله
إيه هيا الصلاة خلصت ؟
السلام عليكم ورحمة الله
السلام عليكم ورحمة الله
أستغفر الله العظيم
!!!!!
**********
| |
|
لمسة وفاء
المديره العامه
الجنس : 
عدد المساهمات : 5561
تاريخ التسجيل : 29/10/2011
الموقع : جنة ربى
| | موضوع: رد: إستووا .... السبت نوفمبر 12, 2011 5:52 pm | |
| السلام عليكم
يسعدنى ان اكون اول واحدة ترد على موضوعك
فعلا الشيطان يتسلسل لنا بافكار كثيرة وقت الصلاة والواحد لا يعرف يتخلص منها
لاكن مش لدرجة دة داخل فى حوار كبير جدا جدا فى الصلاة ومش مركز خالص
هههههههههههه
والله حاجة تضحك بجد
سلمت الايادى لا تحرمنا من جددك الراقى | |
|
سعيد المصرى
مستشار منتدي عهد الوفاء
الجنس :
عدد المساهمات : 1794
تاريخ التسجيل : 30/10/2011
العمر : 42
الموقع : منتدى عهد الوفاء
| | موضوع: رد: إستووا .... السبت نوفمبر 12, 2011 6:38 pm | |
| جزاك الله عنا كل خير ورزقك خيرى
الدنيا والاخره
أحسنت الاختيار وفقك الله الى مايحب ويرضى
سبحانك اللهم وبحمدك ، أشهد أن لا إله إلا
أنت أستغفرك وأتوب إليك | |
|
ندى العمر
عضو فعال
الجنس :
عدد المساهمات : 98
تاريخ التسجيل : 31/10/2011
العمر : 33
| | موضوع: رد: إستووا .... السبت نوفمبر 12, 2011 9:13 pm | |
| جزاك الله خيرا على هذه الموضوع
احسنت اختيار هذا الموضوع لانه فعلا فى منتهى الاهميه
لانه بيحصلنا واحنا بنصلى
اللهم ارزقنا الخشوع فى الصلاة | |
|
يحيي
عضو جديد
الجنس :
عدد المساهمات : 21
تاريخ التسجيل : 11/11/2011
العمر : 43
| | موضوع: رد: إستووا .... الأحد نوفمبر 13, 2011 4:37 am | |
| اسعدني مروكم الكريم جميعا اللهم ارزقنا قلبا خاشعا ولسانا ذاكرا وعلما نافعا
| |
|
