ساعة المغربية(خاطرة شهيد)

ساعه المغربيه

قاعد ومطمن مع اهلى واخواتى
على الاذان هافطر ودى احلى اوقاتى

مانا اخويا على الحدود واقف ومستبسل

شايل سلاحه وواقف للغدر مستحلف

لما الاذان أذن راح سمى واتوضا
وراح يصلى وقال بعد الصلاه هافطر

ماهو اصله شهر كريم والرب فيه بيغفر
ووقف ولسه يدوب بيقول الله اكبر

طلع صوت الانفجار اعلى كتيير واكبر
معرفش ايه حصله ولا شاف باقى الفرقه

والجو كله نيران والدم كتير جنبه عامل عليه مطره
وعربيات اسعاف ومطافى وعساكر

وكله هناك واقف بيعبى فى الشهداء
ومفيش حد عارف القاتل او الخاين

وفجأه وبسرعه قام راح الخبر طاير
وف بحرى وفى قبلى صوت الصريخ دوى

ماهى كل ام انفطرت
على ابنها الواقف على الحدود حارس

ودى لسه معرفتش ايه حال ضناها الغالى
ما هو العدو غدار وقلبه حجر صوان

اما امى الكبيره متعوده على الاحزان
ودمعها بيجرى على الخدودشلال

ودمها بينزف يوم ورا التانى
وارضها بتشرب من دم اولادها

وحزنها بيكبر فى القلب ويعبى
ونهارها يتكدر وعليه السما تغيم

وليلها فى سواده لو فيه قمر بيغيب
ماهو اصل ده حداد على ابنها الغالى
..................................................
إنا لله وإنا اليه راجعون....
وحسبى الله فى كل ظالم او خاين اوعدو جبار

حسبى الله ونعم الوكيل
ان شاء الله فى جنة الخلد ساكنين
اللهم صبر اهل الشهدا

يا حول الله يارب
رحمهم الله جميعا وحسبنا الله ونعم الوكيل فى اعداء مصر