باركولي ربحت 200 ألف ريال

باركولي ربحت 200 ألف ريال من شركة الإتصالات قولوا ما شاء الله

حدث معي شخصياً



اتصل بي شخص من رقم غريب .....!!!


بدا بالتحية واخذ يعرف بنفسة

معك احمد غلام من شركة الاتصالات السعودية ( stc ) سوا

قلت: تفضل

فقال : لقد ربحت من شركة الاتصالات السعودية جائزة

بمبلغ 200 الف ريال سعودي

اضافة الى 3 اشهر مكالمات داخلية وخارجية مجانية

قلت : طيب والمطلوب مني

قال : بعطيك رقم الشريحة الخاصة بجوالك عشان نتأكد انك انت

الفائز بالجائزة ورقم الشريحة هو 899660 والمطلوب منك الان

تقفل جوالك وتخرج الشريحة وتتأكد من رقم الشريحة

واتصل فيني اذا كان مطابق لرقم 899660


قلت : طيب وبالفعل طفيت الجوال وطلعت الشريحة وشفت الرقم

المسجل عليها وهو نفس الرقم الي عطاني 899660 وعلى طول

ماصدقت خبر انا فايز بالجائزة 200 الف ام الفله ياشيخ وعلى

طول رحت اتصلت علية وقلت له الان طلع رقم شريحتي نفس

الرقم الي عطيتني



قال: مبروك الف مبروك ياشيخ انت في اي مدينة


قلت : من الرياض

قال : طيب احنا في الشرقية ونبي رقم حسابك ورقم بطاقة

الاحوال عشان نحول لك الـ 200 الف ريال

قلت :وشلون شركة الاتصالات مالكم مكتب الا في الشرقية

المفروض اني فايز بالجائزة معناها لابد يكون فية شيك بأسم

الفائز مو تحويل بنكي

( هنا انا دخلني الشك واستغربت من طلبه رقم الحساب البنكي )

قال: لا مالنا مكتب الا في الشرقية وانا الحين لازم اسجل رقم

حسابك البنكي و رقم بطاقة الاحوال المدنية ولا بتروح عليك

الجائزة

قلت : قلت مافيه مشكله شوي واتصل فيك


المهم اني دقيت على واحد من العيال يشتغل في الاتصالات

السعودية وسألته قال انتبه من هالنصابين وسألته بخصوص

رقم الشريحه 899660 قال هذا الرقم موجود على كل شرائح

الاتصالات السعودية مهوب على شريحتك بس وفعلا انا فتحت

اكثر من شريحة وطلع نفس الرقم ( 899660 )

لذلك احذروا من هالنصابين

نقلته لكم لأخذ الحيطة والحذر

حسبي الله ونعم الوكيل

موقف والله مفيد وان شاء الله يبعدنا عن النصابيين

تحياتي اخي التهامي

السلام عليكم
اشكركم اخواتى الاعزاء
على المرور الجميل
الاخت اسراء والاخت لمسة وفاء والاخ الغالى اشرف الغانمى
على المرور الطيب فى امان الله