--------------------------------------------------------------------------------
السلام عليكم ,
خايبين اشلونكم الخاطر الله شنو هااي كولها متغيرة مدري اني عيوني مغوشه شو كولها ما اعرفها صارلي كم يوم من رجعت للمنتدى ومحد يعرفني ولا اعرف احد هع
يله
خلي اعرفكم بيه اني اخريبط وخلي اسولفلكم هاي السالوفه وبعدين اتعرف عليكم
طبعا مثل ما تعرفون الطعام اهم شي بالدنيا ,,, بل ان منظمة زقنبوت بلا حدود صنفت الطعام على انه ثالث اهم 5 شغلات بالعالم ورة الذهب و السايبا ,, المهم فاني بطبعي احب اكل ... خاصة بالغدة ما اكدر بدون لبن ,,, لهذا مرات من جنت بالكلية بنص الكويز اخابر امي اكللها جبتي لبن ؟ ترة ما ارجع والكعبة و ااجر القاعة مال محاضرات ليلة و انام على كرسي ,,, جنت كلش احب اللبن وية الاكل لدرجة جانو يدلعوني لبنى ,,
فد يوم كلولي الغدة بريانكم , قصدي بريان مال اني ,,, فتوجهت بخطوات شافطة نحو بيتنة (اي عندي بيت طبعا اي قابل عايش بطسة) , و اكو هاتف يتراوى لسمعي يكول اضررررب اخريبط اليوم برياني و لبن نام ل 7 ذو القعدة وراها ... وصلت المطبخ و اذا بجدرية البرياني تجلس فوق عين الطباخي اني شفتها عبالك شايف كيا سبورتج 2011 مشمشي و فوكاها الجدرية زيرو ما ماشية يعني محد ماكل بعده ,,, اجيت لكيت اللبن حاطي بالكاسة و اني جرررق دير بالجدرية و اخبط و خلي بحلكك
و لكن (بالانكليزي but و بالفرنسي ما اعرف ليش اجذب عليكم ) ,,,,
وية اول لكمة حسيت صار عندي تمزلق بالزردوم و حسيت القزحية عندي انضربت ,,, و من بلعت اللكمة حسيت صار عندي صداع بالمعدة و البنكرياس (خضر) كام يهلهل ,,, طعم غريب عجيب كئيب ,, عبالك بالع اصبع رجل صومالي ميت بال 79 من الجوع ,,, و لكن اجاني الهاتف مرة اخرى و كان هال مرة عصبي و كلي
والله ملختني يا اثول يبن الاثول هذا محلبي و اللبن بالثلاجة !!!!
الأربعاء أغسطس 09, 2017 5:35 pm من طرف 
