والدة الشهيد إسلام منذ قليل على الجزيرة مباشر مصر :-
- حسبي الله ونعم الوكيل فى اللى بيحرضو العيال دي وبيخلوهم يعملو كدة
حرام عليكو دول مسلمين زيكو ، وحسبي الله فى القنوات وكل صحفي وصحفيه
بيحرضو الناس ربنا يقفلكو القنوات دي ، ربنا يوريني يوم كل واحد حرض على
ابني حسبي الله ونعم الوكيل يارب اقبلها مني يارب
- اسلام اصغر
واحد عندي ويوم استشهاده دخل طبخلي وروق لي البيت وقالي يا ماما هنزل اشوف
اصحابي عند الحزب ، قولتله بلاش يا اسلام ، قالي يا ماما ساعة واحدة وراجع
بس ، كان نفسه يموت شهيد ودايما كان يقولي ياماما انا نفسي اموت شهيد اقوله
متحرقش قلبي عليك يا اسلام يقولي يا ماما انتى تطولي تبقى ام شهيد
- وتخاطب ابنها قائله : جنازتك يا اسلام كانت كبيرة اوي متخيلتش عمري ان
امشي فى جنازتك وتبقى كدة ملحقتكش يا ابني من الزحمة ومن الناس اللى طلعت
وراك كنت فى الاخر ومش قادرة امشي وملحقتكش يا ابني وانا بؤيدك يا دكتور
مرسي فى الاعلان اللى انت قولت عليه علشان اسلام كان بيحبك وكان بيؤيدك
ودمه فى رقبتك ومش ابني بس اللى مات فى بورسعيد واللى مات فى محمد محمود
وكل الشهدا اللى ماتو انا قلبي محروق عليهم .
- وتوجه رساله
للرئيس : يا دكتـور مرسـى إســلام مات علشـان بيأيدك و بيأيد الاعلان
الدستـورى ولو تراجعت تبقى ضيعت دم اسلام .. احنا بنقولك كمل و هات دم
اسلام و دم كل الشهداء .. فى الثورة و بورسعيد و ....
الأربعاء أغسطس 09, 2017 5:35 pm من طرف 
