نكت عن الثور المصريه مع kagawa مش هتقدر تمنع ضحكتك

مبارك جمع شيخ الأزهر و بابا الكنيسة المصرية و قال لهم :
أنا جمعتكم النهارده عشان أقول لكم أن ابني جمال هيبقى رئيس مصر سنة 2011 م
قام البابا قال : ماشاء الله اللهم صلى ع النبي
شيخ الأزهر قال له : إيه اللي بتقوله ده يا حضرة البابا .. الكلام ده بتاعنا ؟
البابا قال له : ما هي حاجة تخلي الواحد يطلع عن دينه ..~

حسني عاوز يغيـر دولارات و مش لاقي في السوق , فراح نادي نظيف:
هو مفيش دولارات في السوق ليه يا نظيف انت نظفت السوق ؟
نظيف:الحج و العمرة ياباشا خلصوا على الاحتياطي
حسنى:بقولك ايه ..حج ايه وبتاع ايه ..من السنة الجاية الحج يبقى في مصر -
نظيف:ياباشا.......ازاي بس
حسنى:اتصرف
بعديومين رجع نظيف وقاله:كله تمام يا باشا خلاص الحج حيبقى عندنا
الريس:طب و الكعبة حتعمل فيهاايه؟
نظيف:حنعملهافي ميدان الحجاز -مصر الجديدة و يبقوا يلفوا حواليها
الريس:طب و السعي؟
نظيف:ياباشا يبقوا يجروا في طريق صلاح سالم لغاية المطار و يرجعوا
الريس:وعرفه ؟
نظيف:يطلعوا المقطم ياباشا
الريس:طب و رجم إبليس يا فالح؟
نظيف -بانكسار وتردد-:معلش, إتعب معانا شوية بقى يا ريس!
يقال أنّ:

مبارك سأل نظيف:
_أنا الأفضل ولا عبدالناصر ؟
رد إنت .. جمال كان بيخاف من الروس وإنت لأ.
_أنا الأفضل ولا السادات ؟
رد إنت .. السادات كان بيخاف من الأمريكان وإنت لأ.
_أنا الأفضل ولا عمر بن الخطاب ؟
(...انت ياريس .. عمر كان بيخاف من ربــنــا وانت لأ.....)


بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

"بلطجي" لقناة العربية: العيال بيرموا علينا قنابل "بلوتوث".

_ عقد الريس مبارك جلسه مع وزير الداخليه السابق حبيبى العدلى وقالو محتدا منعت الحشيش يا فالح ؟ اهو الشعب صحصح
_ عمر سليمان الريس ده ابونا كلنا رد المحشش ده احنا طلعنا ولاد حرام يا رجاله

مرة مبارك و سوزان و جمال راكبين سيارة و فيها سواق ،
جمال قال أنا لما بخطب في مجلس أو في جمعية جيل المستقبل بيصفقلي حوالي 2 مليون ..
سوزان قالت أنا لما بخطب في مجالس المرأة و المجتمع بيصفقلي 5 مليون ..
مبارك قال أنا لما بقول بيان أو خطاب بيصفقلي 7 مليون ..

قام السواق قال : و أنا لو لبست بيكم في الحيطة هيصفقلي 80 مليون ..~

مبارك على سرير المرض ، أعطى وصاياه الأخيرة لأحمد نظيف : وصيتك الحكم من بعدي ، فأجابه في رقبتي يا ريس .. كله تمام ، و السلطة هياخدها إبنك جمال . ثم راح في غيبوبة ، أفاق منها بعد قليل و قال لأحمد وصيتك الشعب من بعدي ، فأجابه : ما تخافش يا ريس .. الشعب ياكل الزلط . ثم راح في غيبوبة ، أفاق منها بعد قليل و قال له "أحمد" ، أجابه "نعم يا ريس"، قال مبارك "ما تنساش .. تعطي توكيل شركة الزلط لإبني علاء ..~

اتنين محششين بمصر . واحد بيسأل التاني ، لو انتصرنا و فزنا على الحكومة شو راح يصير ؟
قال الثاني ، بنلعب مع تونس في تصفيات النهائي ..~


ارجو ان تنال اعجابكم
كان معكم من امام جهاز الكمبيوتر
kagawa

ههههههههههههههههههههههههههههههههههههههههههههه

وانا اضيفلك اليمن وسوريا بيلعبوا على مركز الثالث والرابع

ههههههههههههههههههههههههه

تسلم على رسم البسمه على الوجوه

تحياتى لك وللجميع