اولا السلام عليكم ورحمه الله وبركاته
ثانيا انا كنت بتفرج على الست غاليه لو تعرفوها وعملت فراخ مشويه على البوتاجاز من فوق وكانت بسطه جدا ولما عملتها طلعت تحفه سرعه وسهله ولذيذه جدا وموش محتاجه بقى لا جرل ولا شوايه وفحم ودخان وبهدله البيت المهم ابطل رغى بقى وادخل ف الموضوع على طول
بصى بقىانتى وهى اولا انا جبت فرخه وقطعتها على 8 ونضفتها كويس اوى بالملح والخل
وبعدين جبت الخلاط وحطيت فيه بصله كبيره وطمطمايه وملح وفلفل وكمون وبهارات فراخ ومكعب ماجى وشويه قرفه وكل البهارات اللى عندى وحطيتها هى والفراخ ف حله وحطيتها على النار وسبتها على النار لحد ما الفراخ استوت فيها وطلعتها من الصوص دا وسبتها تهدى شويه علشان ما تتهريش وبعد كده جبت الشوايه العاديه اللى زى المضرب عرفنها
بس بقى ورصيت الفرخه فيها وحطيتها على النار من فوق وشويتها على الناحيتين وكانت ااووف تحفه بجد كانت مستويه كويس وشاربه من الصوص بتاعها وطعمها كانها مشويه على الفحم
وعلى فكره الصوص بتاعها ممكن تسقى بيه رز وتقدميه جنبيها وبالهنا والشفا
الأربعاء أغسطس 09, 2017 5:35 pm من طرف 
